एच फाइभः प्यासेन्जर भेइकल परिवारमा टाटाको विरासत कायम गर्ने एसयूभी
कमर्सियल भेइकल उत्पादनमा आफ्नो विरासत बनाएको ‘टाटा’ प्यासेन्जर भइकलमा पनि आफ्नो नाम कमाउन हरदम प्रयासरत छ । आफ्नो सोही प्रयास सफल बनाउने टाटाले प्रस्तुत गरेको नयाँ गाडी हो, एच फाइभ । भारतमा ह्यारियरका नामले चिनिने एच फाइभ कम मूल्यमा पनि किन्न सकिने प्रिमियम स्पोर्ट युटिलिटी भेइकल (एसयूभी) हो । एच फाइभ ल्यान्डरोबरको डी–एट प्लेटफर्ममा निर्माण गरिएको हो । कम्पनीले ‘दी अल न्यु एचफाइभ’लाई लेजेन्ड्री डीएनए भनेको छ ।
कम्पनीले दाबी गरेझैं इम्प्याक्ट डिजाइन २.० मा आधारित यो गाडी हेर्दा प्रिमियम त देखिन्छ नै, सुरक्षा र अन्य फिचरका आधारमा पनि प्रतिस्पर्धी सबै गाडीभन्दा अब्बल छ ।सुक्ष्म डिजाइनका साथ विलासी इन्टेरियर, अद्वितीय एक्स्टेरियरले यो गाडीलाई सबै गाडीभन्दा विशिष्ट देखाउँछ । गाडीको अघिल्लो भागमा जेनन एचआईडी प्रोजेक्जर हेडल्याम्प, डेटाइम रनिङ ल्याम्प, कर्निङ सुविधासहित फ्रन्ट फग ल्याम्प दिइएको छ । आर–सेभेन्टिन (१७) एलोय ह्विल दिइएको छ भने पछिल्लो भागमा फलो–मी होम फङ्सनसहित एलईडी टेललाइट्स आदि सुविधा छन् ।
गाडीको इन्टेरियर डिजाइनमा टाटाको कुशलता देख्न सकिन्छ । सिटमा प्रिमियम ‘बेनेको कालिको’ ओक ब्राउन लेदर प्रयोग गरिएको छ । यसका लेगरुम, फ्रन्टस्पेस, बुटस्पेस निकै फराकिला छन् । स्टेरिङ ह्विल टिल्टेड तथा टेलिस्कोपिक एड्जस्टेबल छ र अगाडिको सिटसँगै आर्मरेस्ट र त्यसभित्र कुल्ड स्टोरेज रहेको छ । गाडीमा रियर एसी भेन्ट पनि उपलब्ध छन् ।
युटिलिटी स्पेसमा यो कारसँग बजारमा पाइने सबै कारलाई जित्ने क्षमता छ । एच फाइभको युटिलिटी स्पेसमा २८ भिन्न वस्तु राख्न सकिन्छ ।
कारको ड्यासबोर्डको बीचमा ८.८ इन्चको टचस्क्रिन उपलब्ध गराइएको छ । यो हाइ रिजोल्युसन डिस्प्लेयुक्त सिस्टमले एन्ड्रोइड अटो र एपल कार–प्लेलाई सपोर्ट गर्दछ । एच फाइभको इन्स्ट्रुमेन्ट क्लस्टर पनि निकै आकर्षक छ । ७ इन्चको रंगिन टीएफटी डिस्प्लेमा स्क्रिन मिररिङ फिचर उपलब्ध छ ।
यसबोहक अडियो, फोन र क्रुज कन्ट्रोल स्टयेरिङ ह्विलको सुविधाजनक स्थानमा उपलब्ध छ । कारभित्र आल्मुनियम ब्रस फिनिसका साथ वुड फिनिस पनि दिइएको छ । एच फाइभको बुट स्पेस ४ सय २५ लिटर क्षमताको छ जसलाई पछाडिका दुई सिट फोल्ड गरेर ८ सय १० लिटरसम्म विस्तार गर्न सकिन्छ ।
म्युजिक सिस्टममा यो गाडीले विशेष ध्यान दिएको छ । जसमा एम्प्लिफायरसहित जेबीएलको ४ स्पिकर, ४ ट्विट र एक सबवुफर उपलब्ध छन् । यसका साथै पुस बटन स्टार्ट–स्टप, रेन सेन्सिङ वाइपरको सुविधा एच फाइभमा दिइएको छ ।
सुरक्षा फिचरमा एच फाइभले कुनै सम्झौता गरेको छैन । कारका केही सुरक्षा फिचर हुन् : ६ वटा एअर ब्याग, ईपीएस, चाइल्ट सिट आइसोफिक्स एन्कर प्वाइन्ट, रियर डिफगर, रिभर्स पार्किङ क्यामेरा, रियर पार्किङ सेन्सर, रिमोट सेन्ट्रल लकिङ, सिट बेल्ट रिमाइन्डर, पेरिमेट्री अलार्म र स्पिड सेन्सिङ अटोमेटिक डोर लक ।
कारको ईपीएसमा एबीएस, ईबीडी, कर्नर स्टाबिलिटी कन्ट्रोल, अफ रोड एबीएसलगायत थप १४ फिचर छन् । ती १४ विशेषतामा हिल होल्ड कन्ट्रोल, रोल ओभर मिटिगेसन, हाइड्रलिक ब्रेक प्रि–फिललगायत हुन् । त्यसैले सुविधासम्पन्न सुरक्षा फिचर खोज्नेहरुका लागि यो गाडी नै सबैभन्दा उत्कृष्ट विकल्प हो ।
एच फाइभमा रहेको क्रायोटेक २.० लिटर टर्बो डिजेल इन्जिनले १ सय ३ किलोवाट प्रति ३७५० आरपीएमको उच्चतम शक्ति र ३५० एनएमप्रति १७५० देखि २५०० आरपीएमको टर्क पैदा गर्दछ । बीएस आईभी इनलाइन फोर सिलिन्डर इन्जिनयुक्त १ हजार ९ सय ५६ सीसीको यो गाडीमा सिक्स स्पिड म्यानुअल ट्रान्समिसन दिइएको छ ।
गाडीको लम्बाइ ४५ सय ९८ मिलिमिटर, चौडाइ १८ सय ९५ मिलिमिटर र उचाइ १७ सय ६ मिलिमिटर रहेको छ । यसको लामो ह्विलबेस २७ सय ४१ मिलिमिटरको रहेको छ । एचफाइभको ग्राउन्ड क्लियरेन्स २ सय ५ मिलिमिटरको छ, जुसलाई नेपाली सडकका लागि अति उत्तम मानिन्छ ।
एच फाइभ सिटी, इको र स्पोर्ट गरी तीन ड्राइभिङ मोडमा चलाउन सकिन्छ । यसमा टेरेन रेस्पोन्स सिस्टम पनि छ जसमा नर्मल, वेट र रफ मोडको विकल्प उपलब्ध छ ।कम्पनीले यसलाई विभिन्न ५ रङ्गमा नेपाली बजारमा पठाएको छ । गाडीको सुरुवाती मूल्य ५८ लाख ९९ हजार रहेको टाटाको नेपालका लागि आधिकारिक बिक्रेता सिप्रदी ट्रेडिङले जानकारी दिएको छ ।
Download

Archive

सिस्टम र टिमवर्कले सफल बनेको सिप्रदीको कथा
राजनबाबु श्रेष्ठ, नेपालकै सबैभन्दा ठूलो अटोमाबोइल कम्पनी ‘सिप्रदी’ ट्रेडिङका प्रमुख कार्यकारी अधिकृत (सीईओ) हुन् । भारतीय टाटा मोटर्सको नेपालका लागि आधिकारिक विक्रेता ... 02 September 2018
टाटा मोटर्स स्वावलम्बी अभियान
४ माघ, काठमाडौँ । नेपालका लागि टाटा मोटर्सको एकमात्र अधिकारिक वितरक, सिप्रदी ट्रेडिङ्ग प्रा. लि. ले विभिन्न कारण वश विदेशबाट नेपाल फर्किएका युवाहरुलाई ... 17 January 2021
टाटा मोटर्सको पिकअप र कार्गो खरिद गर्ने ग्राहकहरुलाई सांग्रिला डेभलपमेन्ट बैंकको बिना कुनै थप धितोको सहुलियत कर्जा
  - टाटा मोटर्सको पिकअप र कार्गो गाडी खरिदको लागि बिना कुनै थप धिताको सहुलियत कर्जा - सांग्रिला डेभलपमेन्ट बैंकबाट बिना कुनै थप धितो ... 30 June 2021
टाटाको बहुप्रतिक्षित नेक्सन ईभी अब नेपालमा
मुल्य रु ३५ लाख ९९ हजार  नेपालमा विद्युतीय सवारी साधन (ईभी) को प्रयोगलाई प्रोत्साहन गर्ने उद्देश्य स्वरुप टाटा मोटर्सको नेपालस्थित आधिकारिक विक्रेता सिप्रदी ... 27 July 2021
9802333150 9801123001